梁振英劉慧卿化敵為友
特首梁振英首份《施政報告》致謝議案，立法會經過3日辯論，未能通過直選議席分組投票被否決。立法會利益割據，《施政報告》褒貶讚彈純屬議員自話自說賣口水，經濟議題政治化，政治議題敵我矛盾化，致謝議案被否決已是常態，
ATV話，殖民政府時期，港督發表施政報告，立法局｢橡皮圖章｣式通過致謝議案係指定動作，回歸後致謝議案俾機會啲議員噏三噏四，無任何實際效用浪費立法會議事時間，廢除該項｢致謝｣程序。傳媒人馮振超亦勁彈議員唔夠班，議政水平低劣無力把關；但玩政治係「飯民」最大嘅謀生本錢，有殺錯冇放過，｢致謝｣程序冇可能廢除。
致謝議案辯論的最大存在價值，係俾市民睇到佢哋有幾衰，回顧15年回歸史，「泛民陣營」對香港的傷害比建制派更甚，講起嚟真係唔止一匹布咁長。最近因奸商屯積及水貨客活動，令奶粉缺貨惹起恐慌，本應是供應鏈問題又被政治化。
吳靄儀認為水客猖獗，主因係香港對國內人入境冇審批權；對國內人入境有權審批，香港相對於中央就是政治實體，而不是地方政府，唎啲係普通常識冇可能唔知，吳靄儀係九流大律師？新移民和雙非嬰及水貨客的困擾，都被定性冇審批權惹的禍，利用不同議題蠱惑人心，明知不可為而為，喋喋不休爭奪中央主權，目的只為製造仇恨；特首衰中央衰，市民就會每天愛「泛民」多一些，萬佛朝宗！
自由行的負能量激化中港矛盾，社會轉型文化蛻變，香港人感到生活的色彩正不斷被國內化，現實是無奈未來更迷茫，心靈失落產生不舒服的感覺，變相獨立的思潮正在發酵，有心人應該關注。
皇恩浩蕩，梁振英邀請民主黨六名立法會議員共進早餐。針對劉夢熊「建制派和泛民係敵我矛盾」的言論，劉慧卿質問梁振英係唔係當佢哋係敵人，又問《施政報告》點解隻字不提行政立法關係，梁振英只報以一貫的「機械式笑容」。劉慧卿感覺笑容不友善，向梁振英明言，不管彼此是否「敵我矛盾」，「政策出臺前應先諮詢我哋，將我哋的意見擺落你最終的建議，咁你嚟到立法會，你就會好容易過啦！」劉慧卿有意化敵為友？
行政立法關係由《基本法》規定，《施政報告》點解要提？係「泛民」強迫梁振英加入共產黨，並指定梁振英工作須向西環黨組領導人負責；係李卓人叫梁振英放馬過嚟；係「泛民」揚言唎一屆都打拉布，癱瘓政府迫令中央接受政黨執政；係「「泛民陣營」樹立梁振英為敵人，劉慧卿質點解仲問彼此係唔係「敵我矛盾」？梁振英腹背受敵，只會步步為營處處提防，又點會將敵人的意見作為施政綱領？劉慧卿一定滿口都係假牙，化敵為友亦純屬擺姿勢冇實際。
香港電台──馮振超勁彈議員唔夠班水平低劣：
http://programme.rthk.hk/channel/radio/player_popup.php?pid=1069&eid=206...
香港電台──吳靄儀誓奪中央審批權：
http://programme.rthk.hk/channel/radio/player_popup.php?pid=1069&eid=205...
YouTube──錯錯錯，吳靄儀妳不要囉唆最好沉默：
http://www.youtube.com/watch?v=E-0AauQl308