香港語心經 Heart Sutra （第一次錯漏百出修訂版）
香港語喺我哋香港人嘅語言，又即喺母語，喺我哋最自然嘅語言，但喺可惜我哋由細到大，都唔可以用自己嘅母語去探討我哋最迫切嘅人生問題。心經响佛教裏面一直都好有地位，呢次對心經嘅翻譯，就喺在下對香港人知識母語化作出嘅啲多供獻，希望大家可以用實際嘅行動支持我哋嘅母語。多謝。
呢篇心經（Heart Sutra/Prajna Paramita Hrydaya Sutra）嘅香港語譯本，最主要喺參考 Sanskrit（梵語）嘅原文，同用咗起碼兩本網上嘅 Sanskrit 字典做翻譯嘅依據。問題喺在下唔識 Sanskrit 嘅文法，所以翻譯嗰時，除咗參考依家最流行嘅唐代譯本，仲有參考咗幾個唔同嘅英文版本（因為在下文言文水皮囉！），同埋網上一啲其他人嘅見解。但喺就發覺佢哋之中好多都問題多多，尤其喺 Conze 嘅版本，裏面有好多同唐代嘅文言文版好唔同嘅地方。英文版之中，最接近唐代文言版嘅，就喺 Ven. Thubten Tsultrim 嘅版本。要提醒大家嘅喺，在下中文同英文嘅程度都喺有限公司，Sanskrit 就更加喺唔洗講啦，所以希望有多啲叻過在下嘅人，對在下呢篇垃圾多多指教，咁在下就可以快啲改曬啲錯嘢喇。
傳說話唐代嗰時有所謂五不翻，其中一個不翻嘅，好似喺唔翻譯一啲好難明嘅概念（例如：Nirvana 即所謂"涅盤"），其他不翻在下就唔記得喺乜啦。不過，呢次在下就乜鬼都翻喇，唔理三七廿一，翻得就翻，翻錯都冇計啦，反正翻啲唔翻啲，不如唔好翻，翻屋企瞓覺好過。
心經香港語版
無限慈悲佛祖响佢非官能體驗嘅深度完全智慧修行嘅時候，探索人類嘅形態同埋官感等一共五種元素，佢現見到其實呢啲元素都喺冇獨立個別嘅存在性嘅。
嗱，徒第，形態喺虛空，虛空亦即喺形態，形態同虛空冇分別，虛空同形態亦冇分別，形態本身就喺虛空，虛空本身即喺形態。感受、觸覺、 想像，同埋知覺(其餘嘅四種官感)都(同形態)喺一樣。所有現實世界嘅自然法則都冇實體性質，冇所謂產生，冇所謂消失，冇所謂污染，冇所謂純淨，冇所謂缺漏，冇所謂完美。
所以，徒第，响空虛入面冇形態，冇感受，冇觸覺，冇想像，冇知覺，冇眼，冇耳，冇鼻，冇脷，冇身體，冇思想，冇形像，冇聲，冇氣味，冇味道，冇對物體嘅接觸；冇眼嘅視覺等等一直到冇思想嘅知覺，冇愚昧無知，亦冇愚昧無知嘅消失，直到冇衰老同死亡，亦冇衰老同死亡嘅消失。冇痛苦，冇痛苦嘅源頭，冇痛苦嘅消失，冇令痛苦消失嘅途徑。冇知到，冇得到，亦冇唔喺得到。所以，冇所謂"得到"你最大嘅生存智慧。
依照完全智慧修行，冇任何意識神緒嘅蒙敝，冇殘餘意識神緒嘅蒙敝，就冇所謂恐懼，就可以越過唔真實嘅幻想，直到最終完全醒覺解脫。
所有响三個唔同時間存在嘅所有真實智慧智者過渡嘅時候，都喺依照最真確嘅最終完全智慧。
所以已經過渡嘅智者嘅智慧頌詞，最終嘅頌詞，冇嘢可以相比嘅過渡頌詞，可以安撫所有痛苦，喺最真實而且絕冇虛假嘅。
有一首真實智慧嘅冥想頌詞喺咁講嘅：過渡，過渡，過渡到另一邊岸，大家一齊過渡到另一邊岸。
真實智慧就喺咁，講完。
心經唐代文言版:
觀自在菩薩‧行深般若波羅蜜多時‧照見五蘊皆空‧度一
切苦厄‧舍利子‧色不異空‧空不異色‧ 色即是空‧空即是
色‧受想行識亦復如是‧舍利子‧是諸法空相‧不生不滅‧
不垢不淨‧不增不減 ‧是故空中‧無色‧無受想行識‧無眼
耳鼻舌身意‧無色聲香味觸法‧無眼界乃至無意識界‧無
無明‧亦無無明盡‧乃至無老死‧亦無老死盡‧無苦集滅
道‧無智亦無得‧以無所得故‧菩提薩埵‧依般若波羅蜜
多故‧心無罣礙‧無罣礙故‧無有恐怖‧遠離顛倒夢想‧究
竟涅盤‧三世諸佛‧依般若波羅蜜多故‧得阿耨多羅三藐
三菩提‧故知般若波羅蜜多‧是大神咒‧是大明咒‧是無
上咒‧是無等等咒‧能除一切苦‧真實不虛‧故說般若波
羅蜜多咒‧即說咒曰‧揭諦‧揭諦‧波羅揭諦‧波羅僧揭諦‧
菩提薩婆訶‧
Hear Sutra (Prajnaparamita Hridaya Sutra) in romanized Sanskrit
arya-avalokitesvaro bodhisattvo gambhiram prajnaparamitacaryam caramano
vyavalokayati sma: panca-skandhas tams ca svabhavasunyan pasyati sma
iha sariputra rupam sunyata sunyataiva rupam, rupan na prithak sunyata
sunyataya na prithag rupam, yad rupam sa sunyata ya sunyata tad rupam;
evam eva vedana-samjna-samskara-vijnanam.
iha sariputra sarva-dharmah sunyata-laksala, anutpanna aniruddha, amala
avimala, anuna aparipurnah.
tasmac Sariputra sunyatayam na rupam na vedana na samjna na samskarah
na vijnanam. na caksuh-srotra-ghrana-jihva-kaya-manamsi. na
rupa-sabda-gandha-rasa-sprastavya-dharmah. na caksur-dhatur yavan na
manovijnana-dhatuh. na-avidya na-avidya-ksayo yavan na jaramaranam na
jara-marana-ksayo. na duhkha-samudaya-nirodha-marga. na jnanam, na
praptir na-apraptih.
tasmac Sariputra apraptitvad bodhisattvasya prajnaparamitam asritya
vibaraty acittavaranah. cittavarana-nastitvad atrasto
viparyasa-ati-kranto nistha-nirvana-praptah.
tryadhva-vyavasthitah sarva-buddhah prajnaparamitam asritya-anut-taram
samyaksambodhim abhisambuddhah.
tasmaj jnatavyam: prajnaparamita maha-mantro mahavidya-mantro
'nuttara-mantro samasama-mantrah, sarva-duhkha-prasamanah, satyam
amithyatvat. prajnaparamitayam ukto mantrah. tadyatha:
gate gate paragate parasamgate bodhi svaha!
(iti prajnaparamita-hridayam sa-maptam)
參考文獻：
http://jayarava.blogspot.com/2009/10/tadyatha-in-heart-sutra.html
http://kr.buddhism.org/zen/sutras/conze.htm
http://www.sanghalou.org/heart_suttra.htm
http://www.configsys.com.hk/sumging/
http://jayarava.blogspot.com/2009/10/tadyatha-in-heart-sutra.html
http://www.andrew-may.com/zendynamics/heart.htm
http://www.fpmt.org/images/stories/education/prayers/heartsutra_bl.pdf
原文初載於：自由香港
Arthur Hau