今日發高燒，放工後急急趕到葵涌貨櫃碼頭。坦白講，好辛苦。又落大雨，又舞雷宮咁遠。不過D工人咪仲辛苦，讀書人唔挨得，唔打得，點都去睇下啦。
友人話想去中大睇張懸。我話︰「X，在工人同張懸之間，你竟然揀張懸﹖如果台灣有罷工，What would 張懸 Do? 佢都會去聲援罷工啦！」
沿路上，同友人談罷工的意義，談駕駛學院罷工的慘烈，談台灣華隆罷工的抗爭基金，心中又不斷浮起日前台灣華光社區行動者被抬離現場的畫面。友人在美國讀書，被捕隨時不能離境。我叫他有事要走先。我同佢講︰「我好錫身架，又怕痛，又怕死，一陣有事你記住同我走先！」 同時心中想像被捕的話要怎樣怎樣。
我心中是對罷工充滿疑慮的。 罷工是為了甚麼﹖能持續嗎﹖工會的角色是甚麼﹖ 我去到聲援，角色又是甚麼﹖
例如，衝唔衝好﹖如果衝，又樣衰。但如果唔衝，根本入唔到個碼頭，也就影響唔到佢運作，咁罷工就毫無意義。「如果我地被人拉，根本冇成本。我照出糧，你照去美國讀書。但工人就會冇左生計，成家人等佢養喎！成本真係好唔同！」「咁如果我地引起一D會被捕既場面，又好似真係好唔負責任。」
但我相信，這些思考必須要在現場做。透過媒體，我們只能見到有學生同工人衝入碼頭，下一個鏡頭，就接駁落保安倒地的畫面。我不信。不信。不信。我要親身去現場，跟他們說︰我不信媒體說的。我信你。
在前去的路上，想起在場有不少素食者，便帶上兩包蜜餞，Sweet Sweet.。友人︰「要帶一些乾糧，買餅乾﹖」我︰「餅乾邊好食架﹖喂D馬仔大減價呀，帶兩包啦。仲有蛋榚！」然後友人說︰「帶兩箱水﹖」我︰「唉呀我地又唔係工會，兩條友帶兩支大寶礦力咪算囉！」「仲有紙皮呀，俾D工人墊一墊，落雨又濕。」「好似好頹撐咁既」「唉，頹係頹D，但我地都係去聲援JE，幫唔得D乜，都係靠工人自己團結架喇。佢地先係主角丫嘛。」
去到現場，有好多工人在。由於主要通道被堵，現時貨運量只是六分一。 把物資帶去給工人，佢地好開心咁話︰「正呀有寶礦力！」一時之間一支幾個人傳黎飲。我得戚地同友人講︰「我都話買實礦力架啦！;)」 工人問我地是不是城大學生，我話︰「我做緊野架喇。放左工過黎。唉都幫唔到乜手，唯有黎聲援下啦。」 佢地就笑住咁話多謝。
其實我冇講的一句是︰其實我爸也是工人。供到我牛高馬大，就係靠一個「捱」字。所以我差D就想叫一聲老豆。哈哈。
依家工人要求加薪15%，因為已經成十年冇加過啦。十年呀，十年喎！ 早餐都由十幾蚊加到三十幾蚊啦。十年呀！楊過都就快見到小龍女啦！仲唔加人工！
同埋難得幾間唔同判頭公司既工人可以聯合起黎。坦白講，判頭公司就係用黎打散D工人同埋壓佢地價，等佢地冇得直接同李老闆講價的。咁都聯合到﹖淨係呢點都抵讚啦。
就我地觀察，其實工會的人唔係好似媒體講到咁有影響力。同D工人都唔多熟。即是話，呢班工人係好自發咁搞的。但都因為咁，唔知會唔會冇乜經驗 (畢竟上次罷工都成十年前)，會唔會被警察、判頭公司分化。我在場的時候，警察已在工人之間傳言，話聲援者之中有人帶左「違禁品」，叫D工人交佢地出黎。 分化工程已經展開，我們只能交出最大的信任。
不過由於發燒，頭暈暈，所以我都係走先。返到屋企都頹頹地寫篇報導先，發住高燒寫，多多包涵。覺得好睇就廣傳啦。
你可以做D乜﹖
1. 去碼頭聲援。 因為落大雨，好多支援者都病左。你可以去接替。記住帶遮同保暖衣物！ 在荔景/葵芳MTR搭的士去六號貨櫃碼頭是最快的。
2. 廣傳有關呢次罷工既消息，唔好俾主流媒體壟斷資訊！ 可以留意︰
碼頭工人抗爭事紀：
1. 誰的成功故事？- http://alturl.com/2uc5m
2. 碼頭工人抗爭Q&A - http://alturl.com/ra8k3
3. 在那黑暗而封閉的碼頭國度 - http://alturl.com/vrv27
4. 海洋上的背叛者──黃色工會 - http://alturl.com/83jdz
5. 忍無可忍 唯有罷工：李嘉誠，還錢！-http://alturl.com/kf9ug
6. 葵青碼頭罷工相片集 (持續更新) - http://alturl.com/47ee8
7. 碼頭工人第一日罷工記事 - http://alturl.com/xke7s
貨櫃碼頭工人facebook專頁：「碼頭的辛酸」http://alturl.com/w2abx
3. 唉呀頭好暈呀，你幫我諗埋!
題為編輯所擬。