內容:
題為編輯所擬
呢件事可以睇到：
1. 全香港都憎警察，但警察唔想承認，希望做駝鳥，見唔到就覺自己英名神武，見到就玻璃心失晒控。
2. 警察社會警察大晒，所以肆意老作誇大，明明無人寫「黑警死全家」，但佢就係覺得人哋叫佢死全家，無限上綱，原因就是第一點。
3. 如果只係掛呢個咁嘅飾物，請問何錯之有？半絲詛咒都冇，就算國安法過咗，呢種飾物都好難話係危害國家安全，啲官係咁話國安法與基本法無抵觸，香港人仍然有表達自由（我唔信但佢係咁講），咁掛一個加油嘅飾物，係表達自由，點解有問題？
4. 如果只係呢個掛飾，成件事明顯冇操守問題，紅十字會最好澄清。如果紅十字會真係跪底處分那個職員，我諗你香港個血庫唔使旨意再有足夠血液供應。你要記住，藍絲係一群好自私自利眼中只有自己嘅人，深藍嗰啲例如覺得721都冇問題那種就係連良知血性都冇，你覺得佢哋會踴躍捐血？
5. 警方話人做法有風險，即係指佢哋成班嚟捐血，你意然表達「不支持警察一方」的立場（而不是反警立場），就係操守問題同有風險嘅話，咁成班防暴通街叫執行職責嘅記者「黑記」、叫市民做「曱甴」，甚至毆打記者市民，點解呢啲唔係操守問題？係咪因為你們從來都冇操守的，所以不存在操守問題？
6. 葛博士去信紅會話人佩戴「反警」飾物，咁依家發現只係戴個加油嘅頭盔點解係反警？不過葛博士話「救命唔應該分顏色」，係囉，點解警察要拉隊走唔捐血救人？我好支持葛博士呢番話，因為顏色拉隊走唔捐血真係人渣！
版權: