《孽瘤博翻叮》
審時度世看風聲，一時一樣睇心情。
去年今日撐硬闖，今年此日說該停。
死心不息博上位，牽腸掛肚望翻叮。
孽瘤良性定惡性，無需化驗己現形。
去年6月9日，有103萬人上街，反對林鄭月娥把中送終惡法交給立法會二讀。遊行結束不多久，林鄭月娥已經出來表示會繼續上立法會。立法會的建制派政黨領袖，包括新民黨的葉劉淑儀，差不多即時表示會支持政府繼續把法案交給立法會通過。這令整個抗爭運動更難收拾，終於引致了6月12日包圍立法會事件。
一年下來，事件不斷升溫，也因為警暴，已經變成難以收拾。當時完全漠視民意，表示會支持政府的那些建制派政黨及議員，全部都難辭其咎！對特區政府、北京當局、林鄭月娥、管治團隊及警隊，香港人必須繼續口誅筆伐，繼續譴責，繼續要求問責。而去年當日尚信心滿滿，以為民意奈不了他們何，支持政府硬闖的孽瘤等人，香港市民必須繼續追究他們的責任。如果不是制度如此扭曲，他們必然會被選票淘汰。
正因制度扭曲，林鄭月娥到今天仍然可以繼續做她的特首，那批高官可以繼續個個月高薪厚碌。而那些建制派議員就可以繼續大放厥詞，而且個孽瘤還未死心，似乎還在繼續發她的特首夢。這段時間，當她發覺佢阿爺要發狼戾，他就盡量呼應佢阿爺的想法，鸚鵡學舌講國家安全！一陣就話制裁都未輪到佢，一陣就話唔驚制裁，一陣就話就算制裁都要有擔當。真係點講都得！
另一方面，她也似乎也想找機會玩吓民綷。早兩個禮拜，佢先至講完話政府撤回方案之後香港人都唔肯罷休，先至會引致阿爺出手制定國家安全法。今日佢又話應該吸取教訓，又話當時或者應該早啲提醒特首撤回法例草案喎！
哈，行政會議係特首嘅首席顧問團。在制度上看，香港人就係靠呢啲首席顧問團成員向特首嘅施政作出建議！如果咁都得，香港人真係俾呢啲尊貴嘅行政會議成員害死。孽瘤今日講呢句風涼話嘅時候，係咪唔記得咗有9000人被警察拉咗，千幾人被檢控，無數人被打傷，有人被判刑，有人被屈，有人搞到要流亡海外，有人死咗！
真係任佢講，當香港人係傻仔，而且講嘢唔使負責任！尊貴嘅行政會議成員喎！講嘢使乜負責任！最緊要就又氹到佢阿爺開心，又可以繼續喺建制奴才派裏面扮大姐，又講啲啱市民聽嘅說話等啲民望唔好咁負面。唔知呢個世界會唔會有咁着數嘅事？
雖然孽瘤可以繼續發她的特首夢，但大家有冇留意，思歪及老懵董近期那場大龍鳳，好似都冇預個好位俾佢！作為政治孽瘤，究竟咁係良性定惡性？唔使睇化驗報告，香港人早就睇穿啦！睇嚟佢都係白做居多！