講起香港嘅電視，真係千言萬語不知從何說起。
話說當年我屋企只會睇無記而唔會睇亞視，直到有日出咗以下一段新聞：
依段新聞今日被譽為香港新聞最輝煌一頁，而無記記者被貶為少爺兵，亞視記者升格為爛頭卒，我亦因為咁同屋企講不如睇亞視新聞喇，結果係：「亞視做啲野唔洗睇都知唔得喇」。之後亞視努力做出 《 再見豔陽天》、《精武門》、《食神》、《我和殭屍有個約會》系列、《縱橫四海 》 、《 尋找他鄉的故事 》 等有質素節目，結果還是一樣，我得到嘅回應都係「亞視做啲野唔洗睇都知唔得喇」。依個情況相信唔只係我屋企發生，因為亞視嘅收視率亦未見可以無記一鬥。
人地努力咁耐攪咁多野都唔可以扭轉敗局，年年蝕錢。結果要賣盤俾大陸佬做大陸喉舌，劇習制作進入停産地步，而無記就繼續做千遍一律嘅垃圾節目，因為連唯一競爭都無埋。有如今嘅局面，香港人有無反思過自己有無反思過除咗係政策問題，有今日嘅局面自己都要負好大責任呢？做咩當年人地努力嘗試嘅時候唔俾機會人要死守無記呢？慣性收視就正正係香港人有抗拒改變嘅固執心態所做成，香港人真係會欣賞創意定係到最後都只係想睇千遍一律，就算唔睇幾集都跟到佢嗡乜嘅電視劇呢？如果香港人仲係持住依種抗拒甚至恥笑創意者嘅心態，我相信香港無論電視，甚至電影，音樂等都只會不斷走下坡！
影像串流: