第二章 貓同第二啲食肉獸嘅食草行為
好多食肉嘅動物都會食草啦，冇乜出奇啫，但喺食草對貓貓喺營養道有咩好處，就從來都冇人理啦。McMurry and Sperry (1941) 响研究 Oklahoma 街貓嗰陣，就發覺俾車車死嘅街貓胃入面有６６％垃圾，其中就包括草，但佢哋就冇講究竟有幾多。
Meeckstroth et al. (2007) 响研究 California 野貓同狐貍嗰陣，又發現佢哋肚入面都有草，但喺佢哋又喺冇話有幾多。呢啲科學家都話之所以野貓同狐貍肚入面有草，都喺巧合喎。
Hoppe-Dominik (1988) 研究野豹，又喺發現野豹會食草，仲唔止咁，原來野豹仲會揀某啲草呢食添，最奇就喺啲草痾出呢條條都大約有3-5cm長，好似冇乜消化過咁。
其實，有養貓狗嘅人都知，貓同狗都食草架，但喺咁耐以呢都冇人好好咁研究過。最奇嘅喺，平時食貴糧嘅家貓家狗，應該好夠營養先啱，但喺佢哋見到草一樣照食，貓貓尤其是喺鐘意野麥之類嘅草（包括wild wheat, wild oat, wild barley, wild orchard 等），同埋佢哋鐘意食草多過食人類食嘅蔬菜。
注意，有啲貓奴以為貓食嘅草就喺貓草（catnip），其實貓平時食嘅草同 catnip 唔同，catnip入面有 nepetactone，會令貓貓個腦有特別反應 (Hart and Leedy (1985))。貓貓食普通嘅草，就唔會有呢啲反應啦，同埋科學家到依家都冇研究過，普通草入面有啲咩化學物，令到貓貓食佢哋。
有啲科學家對貓類同狗類等等食肉動物（Carnivora） 嘅食草行為，其實都有試下去解釋架，但喺就從來冇做過啲咩科學研究啦。Fox (1965) 同 Thorne (1995) 估草對貓狗吐毛同便便有幫助。尤其是喺有腸胃問題嗰陣，狗狗好多時都會食草呢醫自己。Schwartz (1997) 就話可能啲動物對某啲植物嘅味道特別鐘意。Kang et al. (2007) 對狗狗嘅研究就話，如果俾狗狗食多啲纖維（例如，bran, soy bean 同埋 beet pulp），咁狗狗就唔會食草，同埋唔會再因為食草搞到嘔。但喺佢哋嘅結論，就冇考慮過狗狗其實有可能响草道吸收到營養架。
Bjone et al. (2007) 嘅研究就發覺，其實狗唔喺食親草都會嘔架，１８隻狗狗當中，只有５隻狗食完草會嘔。同埋食完正餐先食草嘅狗狗，喺唔會嘔嘅。但喺佢哋最後都覺得好奇怪，點解狗要食草，因為狗喺冇能力消化草入面嘅纖維嘅。
另外，McKenzie et al. (2010) 嘅研究話，狗狗如果食fructo-oligosaccharide就會肚痾，但喺呢種肚痾反而會令狗狗食少咗草，所以狗狗食草可能唔喺因為肚有問題，而喺啱啱相反。
好可惜，到依家為止都只有好少人研究狗狗食草行為，但喺貓貓食草行為就冇人理啦。不過，網上高都可以搵到一啲獸醫等等嘅人，對貓貓食草提出少少佢哋冇經過研究嘅睇法嘅。以下就喺佢哋覺得貓貓食草嘅原因：
１。好奇心。獸醫 Stein (2008) 响佢個網道話，貓貓食草只不過喺因為好奇，貓貓冇必要食草，因為冇人知食草對貓貓有咩好處。但喺佢呢講法實在喺亂呢，因為喺人都知，其實貓貓食嘢嗰陣喺好小心嘅，就算我哋俾啲好香口好正嘅肉肉貓貓食，只要喺佢哋之前未食過嘅，佢哋都唔肯食，何況喺冇呢味道嘅草草呢？
Kienzle et al. (1991) 嘅研究就發現，只要我哋响貓貓食物入面加５％某啲冇乜怪味嘅纖維（例如，peatpectin，dried apples，sugar beet pulp）貓貓就完全唔食架啦。所以就算平時貓貓可能因為好奇亂咬嘢，想佢哋亂將啲嘢食入肚就難啲啦。
２。進化殘留行為。Beaver (1981) 認為家貓家狗嘅早先，都食老鼠類等食素動物，入面當然包括草啦。所以，貓同狗進化嘅時候，遺傳咗鐘意草味嘅習慣。但喺呢種解釋其實好行貨吓，因為貓同狗食老鼠嗰陣，根本食唔到老鼠肚入面啲草味。仲有，老鼠肚入面都有穀物，但貓狗對穀物就一啲興趣都冇，所以食草冇咩可能喺進化殘留行為。
３。有一個好多人入嘅獸醫網 vetinfo.com，入面話其實貓貓食草有三個可能：
(a) 貓食草喺愛呢搞嘔自己，呢到吐毛同埋嘔出啲有毒嘅嘢。貓肚入面有太多毛，嚴重嘅話我哋叫（gastric trichobezoars／Rapunzel-like syndrome）。Persson and Sprosten (1960) 話响一個好犀利嘅個案入面，隻貓唔止嘔，仲厭食，啲毛又好乾，有口臭，同埋飲特別多水，結果就要開刀啦。Leary et al. (1984) 就話兔仔如果食多啲纖維，佢哋嘅毛球問題就會冇咁緊要。
問題喺，貓貓好少會去食有毒嘅嘢，而且嚴重嘅 gastric trichobezoars 唔喺時時有，多數喺熱天嗰陣先有啲可能，所以，同貓貓時時都鐘意草應該冇乜關係。有一個獸醫 Whitman (2000) 都話，貓貓可以自己刺激喉龍呢吐毛，唔使靠食草。仲有，貓貓好似狗狗咁，唔喺食親草都會嘔， 尤其是喺貓貓食完餐之後先食草，多數都唔會嘔。
(b) 草入面有纖維。纖維會加快咗貓貓消化過程，減低貓貓肚痾同埋便秘嘅機會。
但喺，纖維有水溶同埋非水溶纖維兩大類，而草入面最多嘅喺非水溶纖維，而且點解淨喺食，唔食第啲植物呢？
(c) 草喺營養補充品。草入面有好多 Niacin 同埋第啲維他命B，對貓貓可能有好處。
最後嗰兩點其實都冇科學研究支持，但喺就好有可能，所以呢篇文會試吓解釋佢哋嘅可能性。唔止喺咁，呢篇文仲會去深入咁睇吓，所有科學家都完全冇諗過嘅第啲可能。
影像串流：狗食草
呢篇文會同時响 開心喵入面出現